Mentan

600.000 krónur til Runavíkar: - Hvat ólukkan

Jóhann Gaardbo úr Runavík gjørdist 600.000 krónur ríkari í Gekkinum í kvøld

2019-10-31 20:24 Author image
Sverri Egholm
placeholder

Í aðru royndini at snara gekkahjólinum hepnaðist, og Kringvarpið má nú senda 600.000 krónur til Runavíkar.

Orsaka av allahalganadegi í morgin varð Gekkurin í kvøld. 1,8 milliónir vóru uppá spæl, og Jóhann Gaardbo úr Runavík kom ígjøgnum við fullari plátu.

Hann valdi at deila upphæddina í teir tríggjar leyparnar, soleiðis at 600.000 krónur vóru í hvørjum.

Í fyrsta snarið kom Jóhann Gaardbo á 10.000 krónur, sum varð faldað við fimm. Sostatt hevði hann 50.000 krónur, um hann valdi at steðga har. Tað gjørdi Jóhann ikki. Lukkutíð, tí í øðrum snarið hepnaðist.

Jóhann kom á gula leypin og tryggjaði sær 600.000 krónur.

- Hvat ólukkan. Hetta var ikki tað vit væntaðu, segði ein nærum málleysur Jóhann Gaardbo.

Næsta fríggjadag eru 1,3 milliónir krónur at spæla um í Gekkinum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder