6.780 negativar kanningar á rað

13.177 kanningar eru nú gjørdar í Føroyum, og framvegis er eingin, ið hevur fingið staðfest koronasmittuna síðan 22. apríl, upplýsir Landslæknin í morgun.

Eingin smitta er staðfest í seinastu 6.780 kanningunum, og er talið á føroyingum, ið hava fingið staðfest smittuna framvegis 187. Tann seinasti av hesum varð staðfestur frískur 8. mai.

Síðan leygardagin hevur mann kannað øll ferðafólk, sum eru komin til Føroya.