Stórur spenningur var um Gekkin í kvøld, tí upphæddin vat nú komin upp á 2,1 milliónir krónur.
Tað var Majbritt Gudmundsen í Sumba, sum fekk fulla plátu, og maðurin Ragnar var fjarritari. Og tað gjørdi hann bara væl.
Í teimum fyrstu tveimum snarunum lendu tey bæði á 20.000 krónum, sum gav ávikavist 60.000 og 40.000 krónur í kassan. Men hesum tóku tey ikki av - tíbetur kundi man sagt.
Tí í triðja og seinasta snari lendu tey á reyða leypinum. Áðrenn byrjað varð, valdi Majbritt at deila stóru upphæddina upp á 2,1 milliónir í trý, so 700.000 krónur vóru á hvørjum leypi.
Eitt øgilgt róp kom í tá sjónvarpssambandið rakk til Sumbiar, og eitt “Oh my gaaaad”, ljóðaði aftanfyri í telefonini.
700.000 krónur til Sumba og gleðin var ikki at taka feil av.
Vinarliga broyt tínar kennifíla - og privatlívsstillingar fyri at síggja hetta innihald