80 ár síðani Týskland hersetti Danmark og Noreg

9. apríl 1940 varð als ikki ein vanligur mánadagur í Danmark og Noregi. Nazi-Týskland, ið var við at gera størri og størri inntriv í Evropa, gjøgnumførdi atgerðina Weserübung, ið hevði verið gjølla fyrireikað í mánaðunum frammanundan.

Hóast kríggj var á veg í Evropa, so kom álopið óvæntað á, og alt Danmark varð hersett, áðrenn 10. apríl var av. Keypmannhavn, ið var høvuðsmálið, var eftir nøkrum tímum undir týskari herseting.

Fleiri enn 1200 flogfør og tveir triðingar av týska undirvatnsflotanum vóru sett inn í stríðnum í Noreg. Tað tók tveir mánaðir hjá týska herinum at fáa tamarhald á øllum Noregi.

13. apríl hersettu bretar Føroyar fyri at forða fyri týskari herseting.  

Tað gingu fimm ár, til Danmark og Noreg vóru frí aftur.