800.000 krónur í neyðhjálp til Venesuela

Reyði Krossur Føroya og Føroya landsstýri lata í felag 800.000 krónur í neyðhjálp til Venesuela, har milliónir av fólkum eru rakt eftir tveir ógvusligar jarðskjálvtar mikudagin 24. juni

– Sambært nýggjastu tølunum eru 1.450 deyð, og 3.150 løstað – men talið veksur í heilum, so hvørt fólk verða funnin aftur í húsaleivdunum.

– Stuðulin úr Føroyum fer til lívbjargandi neyðhjálp, herundir heilsuhjálp, fyrstuhjálp, reint vatn, reinføri, fyribils bústaðir, sálarligan stuðul og hjálp til familjur, sum hava mist samband við avvarðandi. Eisini verður arbeitt við at stuðla endurbyggingini og hjálpa teimum, sum hava mist lívsgrundarlagið, skrivar Reyði Krossur Føroya í tíðindaskrivi.

Stuðulin verður veittur gjøgnum IFRC Emergency Appeal, sum Altjóða Reyða Kross Føderatiónin (IFRC) stendur fyri, í samstarvi við Venesuelska Reyða Kross.

– Hetta tryggjar at hjálpin verður veitt, har tørvurin er størstur við teimum metingum, sum verða gjørdar á staðnum, skrivar Reyði Krossur Føroya.