Uttanlands

91 nýggir tilburðir skrásettir í Danmark seinasta samdøgrið

Tað er hægsta talið, sum er skrásett í eitt samdøgur síðan fyrst í mai

(Savnsmynd)

(Savnsmynd)

2020-07-30 18:20 Author image
Alda Nielsdóttir
placeholder

Seinasta samdøgrið eru 91 nýggir smittutilburðir skrásettir í Danmark. Tað vísir uppgerð frá Statens Serum Institut.

Talan er um hægsta talið á tilburðum, sum eru skrásettir í eitt samdøgur, síðan fyrst í mai, tá sæð verður burtur frá mánadegnum, har alt vikuskiftið varð talt við, skrivar Ritzau.

Samlaða talið á skrásettum tilburðum í landinum er nú 13.725.

Í løtuni er smitta m.a. brotið út á einum sláturvirki hjá Danish Crown í Ringsted í Sælandi. Har hava 32 starvsfólk fingið staðfest smittuna.

Í løtuni eru 18 koronasjúklingar innlagdir í Danmark, harav trý á intensivdeildum.

Seinasta samdøgrið er eisini skrásett eitt nýtt andlát, so samlaða talið á andlátum í Danmark nú er 615.

Heilsumyndugleikarnir í Danmark hava nú gjørt 1,5 mió. koronakanningar. Tilsamans eru 1,13 mió. fólk kannað.

placeholder
placeholder