98 smittað í løtuni

Fyri fyrstu ferð síðan 28. september er talið á aktivum koronusmittutilburðum í Føroyum undir 100.

Í gjár vórðu átta nýggir tilburðir staðfestir, men samstundis eru 16 persónar staðfestir frískir aftur, og tí er talið á smittaðum í løtuni 98.

Allir átta persónar, sum vórðu staðfestir smittaðir í gjár, eru smittaðir í Føroyum av kendum smittukeldum.

1127 kanningar vóru gjørdar seinasta samdøgrið.

230 persónar eru í sóttarhaldi, og eingin er longur innlagdur við koronu.