Í seinastuni hevur Tórshavnar kommunu, saman við ymsu pørtunum arbeitt við einari loysn viðvíkjandi koyring av gróti í høvuðsstaðnum, ið nakað hevur verið tosað og klagað um.
Heðin Mortensen, borgarstjóri, boðar nú frá, at ferðslunevndin, kommunan og løgreglan eru vorðin samd um ein leist í sambandi við náttarkoyringina við gróti gjøgnum Havnina.
Tórshavnar kommuna skrivar. at tað verður forboð fyri koyring av Gomlurætt og gjøgnum býin sunnudagar og um náttina yrkadagar.
Sum sæst á myndini niðast, er ein undanfráboðan sett upp á Velbastaðvegnum við Norðasta horn, og 200 metrar longur niðri, við Granagøtu, stendur forboðsskelti, sum bannar lastbilum yvir 26 tons at koyra inn í býin millum kl 22 og 07 yrkadagar. Sunnudag er ongin koyring.
- Øll onnur skelti í sambandi við náttarkoyringina eru tikin burtur. T.v.s. at forboðið er bert galdandi fyri ferðslu inn í Havnina eftir Velbastaðvegnum.
Hendan skipanin kemur í gildi í kvøld, 20. juli, á midnátt.
Vinarliga broyt tínar kennifíla - og privatlívsstillingar fyri at síggja hetta innihald