Afganistan: Kvinnur skulu ganga í burka

Taliban-stýrið, sum tók valdið í Afganistan í august í fjør, hevur síðani sett fleiri tiltøk í verk, ið avmarka frælsið hjá kvinnum, og í dag hevur stýrið lýst eitt av strangastu tiltøkunum.

Hibatullah Akhundzada, ovasti leiðari hjá Taliban-stýrinum í Afganistan hevur heitt á kvinnur um at vera í burka, tá tær ferðast í almenna rúminum.

– Tær skulu vera ílætnar frá topp til tá, sum er siðvenja, og fyri at vísa virðing, sigur hann m.a. í fráboðanini.

Sambært fleiri tíðindastovum er talan um burka, sum er eitt plagg, sum fjalir bæði kropp og andlit, har kvinnan hyggur út gjøgnum eitt lítið net frammanfyri eyguni.