Aftur í dag var ein stórur kjarnorkurikin amerikanskur kavbátur at síggja í Nólsoyarfirði.
Tað er bert ein góð vika síðan at ein annar kavbátur, USS Indiana, var í Føroyum fyri at skifta ein av manningini.
Í dag er talan um kavbátin USS John Warner. Talan er um ein kavbát av sama slag, sum USS Indiana. Hesir kavbátar kallast fyri ‘Virginia-class’.
Hesaferð var talan um ein sjúkan mann, sum skal innleggjast á Landssjúkrahúsið.
Arktisk kommando í Havn upplýsir fyri Portalinum, at proceduran hesaferð er tann sama sum seinast. Ein umbøn er send frá amerikansku sendistovuni til føroysku uttanríkistænastuna. Kavbáturin kemur upp í vatnskorpuna í Nólsoyarfirði, og setir sjúka mannin av uttan at støðga á.
Sambært Marinetraffic dagaði kavbáturin upp úr sjónum millum Borðuna og Kirkjubønes um hálvgun ellivu tíðina og sigldi niðan á Gulan.
(Skíggjamynd: marinetraffic.com)
(Skíggjamynd: marinetraffic.com)
Vinarliga broyt tínar kennifíla - og privatlívsstillingar fyri at síggja hetta innihald