Aftur eitt ferðsluóhapp í Gøtu

Fyri løtu síðani hendi eitt ferðsluóhapp í Norðragøtu. Men í hesum føri var talan um eitt munandi minni álvarsligt óhapp, enn tað, sum hendi oman fyri Syðrugøtu í morgun.

Talan var um ein bil, ið skuldi út á landsvegin við fótbóltsvøllin í Norðragøtu, sum varð árendur. Løgreglan er á veg til staðið fyri at kanna málið, og fyri at staðfesta um treytaleysa víkiskyldan varð hildin.

Ongin fólkaskaði var – bert materiellur skaði, upplýsir vakthavandi hjá løgregluni.