Aftur í tretivinum

Eftir at tað fyrradagin vóru staðfestir heilir 63 tilburðir eru vit nú aftur í tredvinum. Í gjár vóru 34 tilburðir staðfestir, og tað minnir um tølini sum hava verið seinastu dagarnar, har tað hevur ligið um 40 hvønn dag.

Men í mun til fyrradagin tá 2.567 kanningar vórðu gjørdar, vórðu tað í gjár bara 1.088 fólk kannað fyri koronu.

24 fólk eru staðfest frísk aftur eftir at hava verið positiv, og talið á aktivum tilburðum er nú 415.

Fimm fólk eru innløgd við koronu á Sjúkrahúsverkinum. Hetta eru tvey færri enn tað annars hevur verið seinastu dagarnar.