Aftur val í Turkalandi í dag

Á forsetavalinum í Turklandi 14. mai eydnaðist tað ikki nøkrum valevni at fáa yvir 50 prosent av atkvøðunum, og tí verður enn eitt valumfar í dag. 64 milliónir turkar hava valrætt. 

Tey bæði valevnini, sum eru á atkvøðuseðlunum eru sitandi forsetin, Recep Tayyip Erdogan, og andstøðuleiðarin, Kemal Kilicdaroglu.

Á velinum fyri tveimum vikum síðani var eitt triðja valevni, Sinan Ogan, sum fekk fimm prosent av atkvøðunum. Síðani hevur hann boðað frá, at hann stuðlar Erdogan, og heitir hann á veljarar sínar um at gera tað sama, skrivar DR.

Í fyrsta valumfarinum fekk Erdogan 49,52 prosent av atkvøðunum, meðan Kemal Kilicdaroglu fekk 44,88 prosent.