Afturkalla ost sum er seldur í Føroyum

Ulvedal og Ostebørsen afturkalla ostin Morbier, sum er seldur í Føroyum.

Hesum boðar Heilsufrøðiliga Starvsstovan frá.

E-voli er ávíst í vøruni. Sjúkueyðkennini eru ofta akut magainfektión við leysum lívi, ringari magapínu og spýggju. Vanliga er bert lítil ella ongin febur. Sjúkan varir vanliga 5-10 dagar. Í einstøkum førum kann infektiónin versna til akut nýrasvikt

Heilsufrøðiliga Starvsstovan mærlir borgarum til at lata vøruna aftur haðani hon er keypt ella at beina hana burtur.