Afturkalling av kikertrum

Eitt slag av kikertrum, sum er selt í føroyskum handlum verður nú afturkallað, tí skordýr eru funnin í vøruni.

Talan er um pakkar á 500 gram við vistfrøðiligum kikertrum av merkinum Änglamark, sum eru best fyri 10. apríl 2027 (strikkota: 7340191175181)

Kikertrarnir, sum Coop Danmark afturkallar, eru óegnaðir til mannføði, og verður heitt á fólk, sum liggja inni við vøruni, um at beina hana burtur ella lata hana innaftur í handilin, skrivar Heilsufrøðiliga starvsstovan.