Áleið 40 stór fríholt tikin upp og burturbeind

Í gjár varð skipað fyri einum átaki, har botnurin út fyri Kósabryggjuni í Klaksvík bleiv ruddaður.

Serligur dentur varð lagdur, á at fáa gomul fríholt upp av botni. Hesi kunnu vera til stóran ampa fyri skip, um tey seta seg um t.d. skrúvuna á skipum.

Á myndini síggja vit úrslitið av kavingini, á dekkinum á Brimli. Áleið 40 stór fríholt vórðu fingin upp og burturbeind.

Átakið varð avgreitt í góðum samstarvi millum Klaksvíkar havn, Brimil (Vørn), Norðoya Bjargingarfelag, Diving2000 (Odense) og kavaraskúlan Farodive í Klaksvík.

(Mynd: Farodive)