Allir partar hava vrakað semingsuppskotið

Í gjárkvøldið kom semingsmaðurin við einum semingsuppskoti í samráðingunum millum Føroya Arbeiðsgevarafelag og arbeiðarafeløgini, og á middegi var freistin at svara.

Í útvarpstíðindunum um middagsleitið segði Terje Sigurðsson, semingsmaður, at allir partar høvdu vrakað semingsuppskotið.

Semingsmaðurin segði tó eisini, at tey fóru at royna at bjarga støðuni í dag, áðrenn partarnir fara hvør til sítt aftur.

Terje Sigurðsson segði seg eisini vera bjartskygdan um, at tað bar til at bjarga støðuni.

Útvarpsinnslagið kann hoyrast her.