Agnar Prestá
Landsstýriskvinnan í almanna- og mentamálum, Sirið Stenberg, hevur gjørt av at veita seks verkætlanum stuðul av játtanini til yrkisleiklist í 2024.
Hesum boðar Almanna- og mentamálaráðið frá á heimasíðu sínari í dag.
Endamálið við játtanini er at menna yrkisleiklistina, og stuðul kann latast feløgum, bólkum og einstaklingum, ið reka yrkisleiklistaligt virksemi, til leikrit, tónasmíð, leikstjórnan, framførslur, keyp av útbúnaði, verkætlanir, skeið, keyp av sakkønari hjálp og annað leiklistavirksemi.
Tvær leiklistaverkætlanir fingu 150.000 krónur ella meira. Yvirlit sæst her:
Navn á umsøkjarum | Verkætlan | Játtan |
Dansivirkið Riva | Kanska ein bygd | 190.000 |
Trín fram | Løstir - ein nýskrivaður leikur um sálarsjúku og at finna fótafestið | 150.000 |
Det Ferösche Compagnie | Trælurin | 80.000 |
Opera.fo | Papageno | 70.000 |
Gunnvá Zachariasen | Upphav | 90.000 |
Leikhús Skift | Lortið út um Havnina | 70.000 |
| íalt | 650.000 |
Tilsamans vóru níggju umsóknir, og søkt varð um 1,7 milliónir krónur.
Tað er Leiklistaráðið, sum viðger umsóknirnar og ger tilmæli til landsstýriskvinnuna sambært lógini um Tjóðpall Føroya og stuðul til yrkisleiklist, upplýsir ammr.fo
Vinarliga broyt tínar kennifíla - og privatlívsstillingar fyri at síggja hetta innihald