Alment reisigildi í Runavík týsdagin

Týsdagin 23. juli verður alment reisigildi í Runavík, tá svimjihøllin, sum verður bygd uppí Bylgjuna norðureftir, er komin so væl áleiðis, at sperrurnar eru komnar upp og tryggjaðar.

Bíðað hevur verið eftir møguleikanum at svimja í Runavíkar kommunu í 60 ár, og í hesum umfarinum eru tað á leið níggju ár síðan, at fyrireikingarnar byrjaðu til hesa verkætlanina, sum væntandi verður liðug um eitt lítið ár.

Lítið varð gjørt burturúr, táið spakin varð settur í, í staðin er ætlanin nú at halda reisigildi fyri borgarum í økinum við svimjihøllina.

Svimjihøllin er størsta íløgan hjá kommununi nakrantíð. Haldið byrjar týsdagin kl. 16.

Skrá:

• Jan Alexson, verkætlanarleiðari, greiðir frá inni í hondbóltshøllini.
  
• Nes Sóknar Musikkfelag (Hornorkestrið) spælir 3 løg
  
• Taekwondo felagið bjóðar okkurt til matna á grillum.
  
• Enekk spælir nøkur løg.
  
• Marita S. Hentze, býarverkfrøðingur, flytir fram røðu.
  
• Kjartan Hansen, stjóri fyri Kanjon, flytir fram røðu.
  
• Tórbjørn Jacobsen, borgarstjóri, flytir fram røðu.
  
• NSM (Hornorkestrið) endar haldið við einum marsji.
  

Runavíkar kommuna