Uttanlands

Álop á bygd í Mali: 95 fólk dripin og 19 saknað

Bygdin Sobane varð meira ella minni løgd í sor í nátt, og enn er ógreitt, hvør stendur aftanfyri álopinum

Dogon-fólkið í Mali (Mynd: EPA)

Dogon-fólkið í Mali (Mynd: EPA)

2019-06-10 16:54 Author image
Alda Nielsdóttir

Í minsta lagi 95 fólk vórðu dripin, tá ein bólkur av vápnaðum monnum lupu á eina bygd í Mali í nátt.

- Í løtuni vita vit um 95 fólk, sum eru dripin. Líkini eru vorðin brend, og vit halda fram at leita eftir fleiri, sigur ein embætismaður úr Koundou-økinum sambært Politiken.

Talan er um bygdina Sobane í miðara partinum av Mali. Íbúgvarnir eru partur av einum etniskum bólki, ið verður nevndur dogon-fólkið. Bygdin er meira ella minni løgd í sor

Umframt tey 95 í lótu lív, eru 19 fólk saknað.

Enn er ógreitt, hvør stendur aftanfyri álopið.

Ósemja hevur leingi verið millum dogon-fólkið og ein annan etniskan bólk, fulani-fólkið, um atgongd til land og vatn.

Dogon-fólkið ákærir m.a. fulani-fólkið fyri at vera knýtt at hernaðarbólkum, men sambært fulani-fólkinum hevur herurin hjá Mali givið dogon-fólkinum vápn at brúka móti teimum.

placeholder
placeholder