Alskyns sjómatur í Tórsgøtu og Vágsbotni allan leygardagin

Á tiltakinum luttaka kokkar og matfólk úr øllum landinum, umframt gestakokkar úr grannalondum, og frá ovast í Tórsgøtu til niðast í Vágsbotni vera serstakar matoyggjar, har gestirnir kunnu smakka alskyns brellbitar úr sjónum.

Endamálið við afturvendandi tiltakinum er at seta sjóneykuna á virðismikla sjótilfeingið, og talan verður um alskyns nýveidd fiskasløg eftir árstíð.

Umframt leskiligu matupplivingarnar, verður hugfjálgur tónleikur á skránni, og bjóðað verður til góðar matløtur fyri fólk í øllum aldri.

Tiltakið byggir á sjálvboðið arbeiði og vælvild frá vinnuni, og allar matupplivingarnar á degnum eru ókeypis.

Ein dagur á grynnuni byrjar kl. 11.00 og tiltakið endar kl. 17.00.

Meira kunning um dagin og skránna verður tøk á facebooksíðuni hjá tiltakinum: Ein dagur á grynnuni.