Amalia í Frammistovu heldur fram sum borgarstjóri í Fugloyar kommunu

Í gjár, mikudagin 30. desember, varð nýggja bygdaráðið í Fugloyar kommunu skipað.

Á kommunuvalinum í november vórðu Símun Gullaksen, Amalia í Frammistovu, og Marit Fríða Christiansen vald í bygdaráðið, og greitt er nú, at Amalia í Frammistovu heldur fram í borgarstjórasessinum.

Varaborgarstjóri verður Marit Fríða Christiansen.

Triði bygdaráðslimurin, Símun Gullaksen, varð annars, við 13 atkvøðum, toppskorarin á valinum í kommununi. Amalia í Frammistovu fekk 11 atkvøður, og Marit Fríða Christiansen fekk sjey.