Amanda Knox fær 78.000 kr. í endurgjaldi

Amerikanska Amanda Knox gjørdist víðakend, tá hon í 2007 varð ákærd fyri at hava dripið bretksu vinkonu sína, tá hesar vóru í Italia. Allur heimurin fylgdi við rættarsakini, sum endaði við, at Amanda í 2015 varð fríkend.

Nú skulu italsku myndugleikarnir rinda Amanda Knox 78.000 kr. í endurgjaldi fyri alla sakina, umframt at rinda allan sakarmálskostnaðin, sum er 60.000 kr.

Hetta eru boðini frá Evropeiska Mannarættindadómstólinum, sum segði dóm í hesum í dag.

Amanda Knox skal hava endurgjald, tí at italska løgreglan gjørdi fleiri mistøk, tá Amanda varð avhoyrd í 2007.