Amerikansk flotavitjan í Runavík

Runavíkar havn hevur fingið herflotavitjan í dag.

Í morgun sást eitt grátt herflotaskip koma undan Eystnesi og stevna inn á Skálafjørðin.

Sum skilst er talan um amerikanska oyðaran USS Donald Cook, sum kemur á vitjan í Runavík. Hetta er fyrsta ferðin í heilt nógv ár, at føroysk havn hevur havt vitjan av amerikanskum herflotaskipi.

USS Donald Cook er av slagnum Arleigh Burke, og hoyrir heima á amerikansku flotastøðini í Rota í Spania. Skipið er ber navnið á einum amerikanskum flotahermanni, sum doyði í fangaskapi í Vietnam í 1967, bert 33 ára gamal.

USS Donald Cook er 154 metrar langur