Alda Nielsdóttir
Serligu amerikonsku sendifólkini Steve Witkoff og Jared Kushner fara um vikuskiftið at vitja í Russlandi og Ukraina.
Sambært amerikanska forsetanum, Donald Trump sskulu teir leggja fram eina ætlan, sum skal fáa ein enda á krígnum millum Russland og Ukraina.
Ukrainski forsetin, Volodymyr Zelenskyj váttar vitjanina hjá amerikonsku sendifólkunum, og lovar, at russiska loftrúmið verður trygt, meðan tey eru í Russlandi.
Zelenskyj heitir eisini á Russland um at tryggja ukranskt loftrúm, meðan sendifólkini vitja í Ukraina.
– Eingi loftálop koma frá okkara síðu, og Russland eigur eisini at tryggja vápnahvíld uttan loftálop, meðan samráðingarnar ganga fyri seg, sigur hann sambært Ritzau.
Witkoff og Kushner hava áður verið í Russlandi, men hetta er fyrstu ferð, at teir skulu vitja Ukraina.
Vinarliga broyt tínar kennifíla - og privatlívsstillingar fyri at síggja hetta innihald