Alda Nielsdóttir
Altjóða mannarættindafelagsskapurin Amnesty International sigur seg harmast um, at nýggja frágreiðing teirra hevur elvt til "sorg og vreiði" í Ukraina.
Hósdagin varð ukrainski herurin í frágreiðingini lagdur undir at seta sivilfólk í óneyðugan vanda, og hesum finst m.a. ukrainski forsetin, Volodymyr Zelenskyj at.
– Um onkur ger eina frágreiðing, har offrið og áleyparin verða javnsett á onkran hátt, kann tað ikki góðtakast, sigur hann.
Í telduposti til tíðindastovuna Reuters sigur Amnesty, at hóast tey standa við tað, sum tey hava sagt í frágreiðingini, harmast tey kortini um, at tað hevur skapt sorg og vreiði í Ukraina.
– Amnesty International hevur sum hægstu raðfesting í hesum stríðnum og øðrum stríðum, at sivilfólk verða vard. Tað var eisini einasta endamálið við at almannakunngera úrslitið av kanningum okkara, sigur felagsskapurin sambært Ritzau.
Les eisini: Zelenskyj finst hvassliga at Amnesty
Vinarliga broyt tínar kennifíla - og privatlívsstillingar fyri at síggja hetta innihald