Andrias Høgenni: Kann vera feitt at lata føroyskar leikarar tosa føroyskt

Í vetur verður nýggj ungdómsrøð at síggja á heimasíðuni hjá Danmarks Radio – DR TV. Røðin er í tíggju pørtum og hevur eina fíggjarætlan á umleið sjey milliónir krónur – og so er hon skrivað og leikstjórnað av føroyska filmsleikstjóranum, Andrias Høgenni.

– Verkætlanin byrjaði fyri trimum árum síðani sum eitt hugskot til ein stuttfilm, og eg presenteraði tað fyri einum framleiðara sum eg kendi, sum bleiv øgiliga glað fyri tað. So fekk hon starv á DR Drama fyri tveimum árum síðani, og so vendi hon sær til mín og spurdi, um hugskotið kundi mennast til eina sjónvarpsrøð, sigur Andrias Høgenni við Blaðið Vikuskifti.

Fýra føroyskir leikarar verða at síggja í røðini. Teir eru Beinta Clothier, Sissal Drews Hjaltalin, Armgarð Mortensen, og Klæmint Klakk. Høvuðsleikarnir í røðini eru danskir. Talan er um Ane Stensgaard Juul og William Halken, sum eru kend úr ávikavíst “Far til fire”-filmunum og DR-røðini “Herrens veje”.

Sum útgangsstøði er talan um eina danska søgu, greiðir Andrias frá.

– Tað er ein donsk søga, og tað eru danskir høvuðsleiklutir, men ein teirra hevur samband við rættiliga nógvar føroyingar, og er partur av einum arbeiðsplássi, har rættiliga nógvir føroyingar eru.

Les alla greinina ókeypis í Blaðnum Vikuskifti her