Anita Vibergsdóttir tekur yvir á Tvøroyri næstu vikurnar

Anita Vibergsdóttir situr í borgarstjórasessinum á Tvøroyri næstu smáu tríggjar vikurnar.

Hetta skrivar Tvøroyrar kommuna á heimasíðuni.

Kristin Michelsen hevur boðað umsitingini frá, at hann tekur farloyvi úr borgarstjórasessinum á Tvøroyri frá hósdegnum 24. november til mánadagin 12. desember.

Anita Vibergsdóttir, varaborgarstjóri røkir borgarstjórastarvið á Tvøroyri hetta sama tíðarskeiði.