Innanlands

Ann Andreasen heiðrað við DR-virðisløn

Kosin ársins eldsál fyri sítt musikalska arbeiði við børnum á barnaheiminum í Uummannaq

(Mynd: Sermitsiaq)

(Mynd: Sermitsiaq)

2019-02-15 17:06 Author image
Ingi Samuelsen
placeholder

Ann Andreasen úr Klaksvík, sum í 30 ár hevur verið fyristøðukvinna fyri barnaheimið í norðurgrønlendska býnum Uumannaq, hevur fingið enn eitt herðaklapp fyri arbeiðið hon ger fyri at hjálpa børnum, sum eru illa fyri.

Í gjár varð hon kosin ”Årets Ildsjæl” tá Danmarks Radio býtti út P2 Prisen í Musikkens Hus í Aalborg.

Talan er um heiðurslønir, sum verða givnar fyri klassiskan tónleik.

Í sínum sosialpedagogiska arbeiði á barnaheiminum í Uummannaq brúkar Ann Andreasen nógv tónleik, tað verði seg alt frá klassiskum tónleiki til siðbundnu grønlendsku trummuna.

So at siga øll børnini, sum eru á barnaheiminum duga at spæla upp á minst eitt ljóðføri.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder