Anne Mette nýggjur prestur í Dómkirkjuni

Kirkjuráðini í Suðurstreymoyar eystara prestagjaldi hava í dag innstillað Anne Mette Greve Klemensen til embætið sum sóknarprestur.

Tað skrivar Fólkakirkjan á heimasíðuni í dag.

Tríggir umsøkjarar vóru til embætið. Prestagjaldið fevnir um tvær kirkjusóknir, og tær eru kirkjurnar í Nólsoy og Dómkirkjan.

Anne Mette varð prestvígd í Havnar kirkju í januar 2011 og tók við kallinum í Fuglafjarðar prestagjaldi.

Dómprósturin skipar Anne Mette í embætið við hámessuna í Havnar kirkju tann 19. apríl. Tað er landsstýrismaðurin í kirkjumálum, ið útnevnir sóknarprestin til kallið.