Arbeiðið at breiðka bryggjuna í Vágsbotni fer nú í gongd

Býráðið í Tórshavnar kommunu samtykti 29. apríl at taka av einum tilboði frá Articon uppá eina sokallaða elementloysn.

Sáttmálin millum partarnar varð undirskrivaður 10. mai, og arbeiðið er nú farið í gongd.

Bryggjukanturin framman fyri sølutorginum í Vágsbotni verður breiðkaður 2,5 metrar umleið 35 metrar framvið bryggjuni, skrivar Tórshavnar kommuna.

Farið verður nú undir at breiðka bryggjuna í Vágsbotni frammanfyri sølubásarnar. Í gjár varð sáttmáli undirskrivaður millum Articon og kommununa um hetta.