Arbeiðið at gera venjingarmiðstøðina við Margáir farið í gongd

Á sumri í 2021 samtykti býráðið í Sunda kommunu, at niðara hæddin av felagshúsinum við Margáir, skuldi nýtast til venjingarmiðstøð, og við árslok gjørdi kommunan avtalu við Sp/f HPH Smíð og Sp/f RenoVent um at standa fyri arbeiðnum, sum nú er farið í gongd.

- Talan er um eitt høli á 240 fermetrar við tilhoyrandi vesi og skiftingarrúmum, ið eru sett av til endamálið. Arbeiðið at seta á stovn og reka venjingarmiðstøðina, bleiv boðið út alment, og tá varð avtala gjørd við Burn um at standa fyri tilboðnum. Hølini, har venjingarmiðstøðin skal vera, eru púra rá og óinnrættaði, so áðrenn Burn kann byrja sítt virksemi, skulu tey riggast til og innrættast til endamálið. 

(Mynd: sunda.fo)

Hetta skrivar Sunda kommuna á heimasíðu sínari. 

Arbeiðið at innrætta hølini er nú farið í gongd, og gongst sum ætlað letur nýggja veningarmiðstøðin við Margáir upp komandi summar.