Innanlands

Arbeiðsloysið í apríl var 1,7 prosent

Hetta er ein vøkstur í mun til talið í mars, og tað er næstan eitt prosentstig hægri enn tað var seinastu mánaðirnar í 2019

(Mynd: Hagstovan)

2020-06-30 16:20

Agnar Prestá

Hagstovan dagførdi í gjár tølini fyri arbeiðsloysi í Føroyum. Tey vístu, at í apríl vóru 507 fulltíðararbeiðsleys - næstan 100 fleiri enn í mars, tá talið var 416. Tað er 1,7 prosent av fólkatalinum í Føroyum. Í mars var tað 1,3 prosent.

Í mun til byrjanina av árinum vóru 180 fleiri fólk fulltíðararbeiðsleys. Hetta kemur ikki óvart á, tá hugsað verður um, at koronastøðan broytti nógv.

Seinastu mánaðirnar í fjør var arbeiðsloysið í Føroyum niðri á 0,9 prosentum. Í apríl í fjør var tað 1,3 prosent.

Tvey prosent av konufólki vóru arbeiðsleys í apríl - 1,5 prosent av mannfólki. Arbeiðsloysi var størst í Suðuroynni, har 6,1 prosent vóru arbeiðsleys.

Vinarliga broyt tínar kennifíla - og privatlívsstillingar fyri at síggja hetta innihald