Arctic Voyager rent á land í Fuglafirði

Arctic Voyager rendi um 23 tíðina í kvøld á land í Fuglafirði eystanfyri Vónina. Fýra mans eru umborð, men eingin vandi er á ferð fyri manningina, sigur MRCC.

Í løtuni vita tey ikki so nógv á MRCC um hendingina. Brimil lá í Fuglafirði, so hann var skjótur á staðnum meðan bjargingarbáturin Ziska og Tjaldrið eru ávegis.

(Marinetraffic.com)

Á Marinetraffic sæst, at Arctic Voyager hevði júst lagt frá landið, og hevði sett kósina út eftir fjørðinum, men at kósin brádliga broyttist beint móti landi.