Arnfríð Lützen og Bárður Johannesen geva út staklag

Arnfríð Lützen og Bárður Johannesen hava bæði verið virkin á føroyska tónleikapallinum á hvør sín hátt í nógv ár, og í dag hava tey givið staklag út við heitinum “Speak Your Mind”.

Síðani tey møttust í fjør, hava tey brúkt nógva tíð at framføra og at skriva løg saman.

Speak Your Mind er ein duett, sum roynir at leita aftur til røturnar eftir tí simpla í tónleikinum, og verður presenterað sum eitt minimalistiskt huglag. 

Lagið er tikið upp í Hugstudio og Kristuff studio.