Ársfundur nummar 40 hjá Útnorðurráðnum hildin í Havn

Útnorðurráðið heldur í hesum døgum 40. ársfund ráðsins í Tórshavn. Ársins fundur varð settur í Norðurlandahúsinum í gjár, týsmorgunin.

Tað eru fólkavaldu limirnir í ráðnum, sum hittast. Ráðið er mannað av 6 tinglimum úr hvørjum landi í útnorðri, Grønlandi, Føroyum og Íslandi. Harumframt luttaka politikarar og gestir úr hinum Norðurlondunum.

Evnini fyri ársfundin hesa ferð eru sivil tilbúgving í útnorðri og mál í útnorðri í einum talgildum heimi á skránni. Harumframt viðgerð ráðið onnur viðkomandi evni, herímillum altjóða samstarv, skrivar logting.fo.

Barna og ungdómsbókmentavirðislønin verður handað í morgin

Tað er ikki bert fundarvirksemi, ið er á skránni hesar dagarnar í føroyskaa høvuðsstaðnum. Mentanin í londunum skal eisini heirðast.

Hósdagin 29. august verður Barna- og ungdómsbókmentavirðisløn Útnorðurráðsins handað. Hetta er fastur táttur 

Heimasíðan hjá Løgtinginum skrivar, at í ár eru útvaldu bøkurnar:

Flytifuglar eftir Elina á Rógvi, Eli aalisagarsuarlu eftir Apollus Inûsugtok (GL) og Héragerði eftir Lóu H. Hjálmtýsdóttir (IS). 

Barna- og ungdómsbókmentavirðisløn Útnorðurráðsin verður handað í morgin klokkan 17 á almennum tiltakið í Norðurlandahúsinum.

Grønland tekur nú við formansskapinum

Londini skiftast um at hava formanssessin. Jenis av Rana hevur havt formanssessin seinasta árið - næsta árið er tað Grønland, ið eigur tørn.

Nýggjur formaður verður Doris J. Jensen, Steinunn Tóra Árnadóttir verður 1. næstformaður og verandi formaður, Jenis av Rana, verður 2. næstformaður.