Atlantsflog í Gardemoen

Atlantsflog flýgur nú aftur til Noregs í fastari flúgving eina ferð um vikuna.

Men vesturnorski býurin Bergen er nú vrakaður til frama fyri høvuðsstaðin, Oslo.

Í gjár fór fyrsta flogfarið hjá Atlantsflog úr Vágum beinleiðis til Gardemoen floghavnina í Oslo á hesum sinni.

Í Gardemoen var lítil móttøka, har floghavnin bjóðaði flogfelagnum vælkomnum sum kunda.

Flogið verður til norska høvuðsstaðin hvønn mikudag, og sum skilst er ætlanin bert at flúgva í summarhálvuni. Sambært heimasíðuni hjá Atlantsflog verður flogið hvørja viku í ár fram til 29. september.