Í gjár vórðu átta nýggir smittutilburðir staðfestir, vísa nýggjastu tølini hjá landslæknanum.
Ein persónur fekk staðfest smittuna við kanning við komu til Føroyar, tveir persónar við kanningini á fjórða degi eftir komu til Føroyar, og hinir tilburðirnir kunnu allir setast í samband við kendar smittuketur, skrivar corona.fo.
Tilsamans eru 933 tilburðir staðfestir í Føroyum, og 820 av teimum, sum hava fingið staðfest smittuna eru staðfest frísk aftur. Ein persónur er deyður við koronu í Føroyum. Sostatt eru 112 persónar í løtuni smittaðir við koronu í Føroyum.
597 persónar eru í sóttarhaldi, og ein persónur er innlagdur.
1.548 kanningar vórðu gjørdar seinasta samdøgrið. Tilsamans eru nú gjørdar 348.522 kanningar í Føroyum.
Vinarliga broyt tínar kennifíla - og privatlívsstillingar fyri at síggja hetta innihald