Átta tilburðir í gjár

Í gjár vóru átta nýggir tilburðir staðfestir, vísa nýggjastu tølini hjá landslæknanum.

Allir persónar eru smittaðir í Føroyum. Í sjey førum eru smittukeldurnar kendar, og í einum føri er smittukeldan ikki kend, skrivar corona.fo.

797 kanningar vóru gjørdar seinasta samdøgrið.

Í løtuni eru 114 smittað í Føroyum, og ein persónur er innlagdur. 214 persónar eru í sóttarhaldi.