Ávara um kostískoyti

Nú verður ávarað um eitt ávíst slag av kostískoyti, sum kann keypast á netinum.

Talan er um kostískoytini SupportMax Neuro, SupportMax Neuro PM, og AM Priming. Vørurnar kunnu keypast á heimasíðuni supreme-supps.dk.

Orsøkin til ávaringina er, at kostískoytið hevur evni, sum kann skaða skjaldkertilin, sigur Heilsufrøðiliga Starvsstovan. Kostískoytini innihalda evnið Withania somnifera, eisini nevnt Ashwagandha.

Heilsufrøðiliga Starvsstovan heitir á borgarar, sum eiga hesa vørur, um at beina tær burtur.