Avdúka navn á stórhøllini í Hoyvíkshaganum í morgin

Fyrr í ár varð navnakapping útskrivað til nýtt navn til nýggju stórhøllina í Hoyvíkshaganum, ið higartil er nevnd Føroya Arena.

Ein navnanevnd hevur nú gjøgnumgingið innkomnu uppskotini og skotið upp eitt nýtt navn. Nevndin í sjálvsognarstovninum tók undir við uppskotinum, og síðani er arbeitt við búmerki og samleika, skrivar Føroya Arena í tíðindaskrivi.

Nýggja navnið og samleikin verða avdúkað mikudagin 20. desember klokkan 13 á samkomu á Parnassinum á Hotel Hafnia.

Samstundis verður eisini nýggja heimasíða hjá høllini tikin í brúk, og eisini verður vinnarin av navnakappingini kunngjørdur.