Avlýsa alt uttan fýrverkið á Tvøroyri

Gamlaárskvøld er vanligt merkt av ymsum hugnaligum tiltøkum kring landið, ið savna nógv fólk. Men 2020 er øðrvísi, og gamlaárskvøld verður ávirkað av koronastøðuni. 

Á Tvøroyri var ætlanin at hava felags morgunmat á Seglloftinum, kyndlagongu úr Oldurdalinum og nýggjársbál um midnáttarleitið. Tað er nú alt avlýst. Hesum boða fyrireikararnir av nýggjárshaldinum á Tvøroyri frá.

Á heimsíðuni hjá Tvøroyrar kommunu stendur soleiðis:

- Fyrireikararnir hava tikið hesi stig fyri at fylgja tilmælunum hjá heilsumyndugleikunum, nú covid-19 farsóttin aftur ger um seg og vóna verður, at fólk fylgja tilmælunum um frástøðu.

Fýrverksshowið verður sum ætlað skotið í gongd kl. 24:00 á Drelnesi.

Tað verður líknandi á Toftum. Nes kommuna boðar á heimasíðu sínari frá, at einki nýggjárshald verður, men tó verður felags fýrverk.