Avlýsir ikki jólaborðhaldini

Hvussu verður við jólaborðhaldinum, eru nógv sum hava spurt um seinastu mánaðirnar. Og nú eru vit við at vera har, tí um smáar tveir mánaðir er jólaaftan.

Bjarni á Steig, yvirlækni, heldur ikki at tað er neyðugt at avlýsa, men hann heitir á fólk um at vera varin. Tað segði hann í Degi og viku í kvøld.

- Vit hava lært. Taka vit konfirmatiónirnar, sum fyrst vóru útsettar og síðani skipaðar - har kom einki smittuútbrot. So leisturin man hevur valt sær til konfirmatiónirnar, kann man brúka til jólaborðhaldini eisini.

- Tað er at halda seg til tey, sum man er saman við í minni bólkum. Hinvegin eru stóru tiltøkini eru ikki ráðilig, metir Bjarni á Steig.

Hann mælir til, at ungdómur, sum kemur heim á jólum letur seg kanna á sætta degi, og heldur tilmælini vit hava í Føroyum.