Avstralia: Veðrið batnar í komandi viku

Støðan í Avstralia fer væntandi at batna komandi viku. Sambært veðurfrøðingum, verður veðrið neviliga kaldari, og væntar mann eisini eitt sindur av harðliga tiltrongdum avfalli, sum kann hjálpa teimum mongu sløkkiliðsfólkunum, sum í løtuni stríðast við skógareldunum í landinum.

Skógareldarnar hava herjað í Avstralia síðan oktober, og er tað serliga eystari parturin, sum er hart raktur.

Eldurin hevur higartil kravt 27 mannalív, fýra av teimum sløkkiliðsfólk, og mett verður, at upp móti 500 mió. djór eisini hava latið lív, skrivar TV2.

Í dag verður boðað frá uml. 140 skógareldum í statinum New South Wales. 2000 hús eru oyðiløgd, og mett verður, at talan er um skaðar fyri meira enn 4 mia. krónur tilsamans, sigur Insurance Council Australia.