BBC fer at vísa TROM

Føroyska krimirøðin TROM, sum verður at síggja á stroymingartænastuni Viaplay 13. februar, verður eisini at síggja á BBC.

Tað skrivar miðilin Variety.

Helene Aurø, sølu- og marknaðarleiðari hjá REinvent Studios, sum hevur verið við til at framleiða TROM saman við Kyk Myndir og Truenorth, sigur, at tey eru fegin og errin um, at BBC eisini hevur keypt rættindini til at vísa røðina.

Danin Ulrich Thomsen verður skjótt at síggja í høvuðsleiklutinum sum Hannis Martinsson (Savnsmynd)

– BBC hevur víst nakrar av bestu norðurlendsku røðunum, sum nakrantíð eru framleiddar, og vit vóna, at TROM eisini fer at verða vælumtókt. Vit síggja veruliga fram til at vísa hetta fyri bretskum áskoðarum.