Uttanlands

BBC: Starvsfólk eiga at strika TikTok av arbeiðstelefonunum

BBC fer framvegis at brúka TikTok til marknaðarføring og redaktionel endamál, men tey, sum ikki brúka TikTok í sambandi við arbeiði verða biðin um at strika appina av arbeiðstelefonini

(Savnsmynd)

(Savnsmynd)

2023-03-20 09:43 Author image
Alda Nielsdóttir
placeholder

Bretski miðilin BBC heitir nú á síni starvsfólk um at strika TikTok av teirra arbeiðstelefonum.

Tað var sunnudagin, at BBC í einum boðum til starvsfólkini frámælti tey at hava TikTok á arbeiðstelefonini.

– Uttan so, at tú hevur brúk fyri TikTok í sambandi við arbeiði títt, eigur tú at strika appina.

Almennir myndugleikar kring heimin hava bannað TikTok og meta appina vera ein vandi fyri trygdina, og tað er við hesum í huga, at BBC hevur tikið avgerðina, skrivar Ritzau.

Hósdagin boðaði bretska stjórnin eisini frá, at TikTok ikki longur var loyvt á fartelefonum, sum eru knýttar at stjórnini.

BBC fer tó framvegis at brúka TikTok í sambandi við marknaðarføring og redaktionellum endamálum. BBC hevur yvir fýra milliónir fylgjarar á sosiala miðlinum.

Illgruni hevur leingi verið um, at ByteDance, sum eigur TikTok, gevur kinesisku stjórnini atgongd til upplýsingar hjá brúkarunum, men sambært Kina byggir hetta á falstíðindi, sigur Kina.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder