Beate heldur fram sum forkvinna

Leygardagin hevði Landsfelag Pensjónista aðalfund á Hotel Hafnia.

Á nevndarvalinum á aðalfundinum stóðu tríggir nevndarlimir fyri vali – Beate L. Samuelsen, Ingeborg Vinther, og Elna Lamhauge Strøm – og allar vórðu afturvaldar.

Eisini vórðu Jákup Hummeland, Martin Rasmussen, og Vibeke Ingvarsson vald til varalimir.

Nevndin í Landsfelag Pensjónista hevur nú skipað seg, og nú er greitt, at nevndin verður óbroytt.

Nevndin er skipað soleiðis:

• Beate L. Samuelsen, forkvinna
  
• Ingeborg Vinther, næstforkvinna
  
• Elna Lamhauge Strøm, nevndarlimur
  
• Alfred Olsen, nevndarlimur
  
• Hans Jacob á Kósini, nevndarlimur