Beijing: Fólk byrja at koma út á gøturnar aftur

Sambært Kinesisku myndugleikunum eru ongir nýggir “lokalir” tilburður av Koronavirussinum staðfestir teir síðstu dagarnar. Teir tilburðirnir, ið eru staðfestir teir síðstu dagarnar stava allir frá fólkum, ið hava ferðast inn í landi, sambært myndugleikunum.

Støðan ger at fólk aftur eru við gott mót, og halda at tað nú er tamarhald á støðuni í Kina skrivar BBC.

Hetta hevur fingið fólk út aftur á gøturnar, har tað so smátt byrjar at koma lív í aftur býin. Fólk síggjast nú aftur handilsgøtum og á matstovum.

Samlaða talið at smittaðum í Kina er omanfyri 81.000, harav er eru knapt 72.000 staðfest frísk aftur sambært myndugleikunum.