Seinastu mongu árini hevur klaksvíkingurin og presturin Jákup Petersen virkað sum formaður í Landsungdómsnevndini hjá Heimamissiónini.
Fyri kortum varð Jákup Petersen valdur sum næstformann í skúlastýrinum fyri háskúlan, sum Kirkjuliga Heimamissiónin hevur sett á stovn, og nú hevur Beinir Langgaard er av Nesi játtað at verða nýggjur formaður í LUN.
Hetta skrivar Trúboðin á heimasíðu sínari.
Beinir er 22 ára gamal og er av Nesi. Hann hevur millum annað verið á bíbliuskúla í Danmark og arbeiðir nú sum forritari á Nema í Klaksvík. Hann brennir fyri at ung í Føroyum mugu koma, at hoyra Guðs orð, skrivar trubodin.fo.
Landsungdómsnevndin hevur høvuðsábyrgdina av ungdómsarbeiðinum hjá Kirkjuligu Heimamissiónini.
Vinarliga broyt tínar kennifíla - og privatlívsstillingar fyri at síggja hetta innihald