Bendir á falskan alarm

Klokkan 22:45 fór alarmurin í gongd hjá Tórshavnar sløkkiliði um royk á Landssjúkrahúsinum.

Alt verður sent á staðið í slíkum støðum fyri at binda um heilan fingur, men enn hava teir ikki funnið royk ella eld, sigur átaksleiðarin hjá Tórshavnar sløkkiliði.

Talan var um ein følara í gomlu barakkini, har sum eygnalæknin heldur til.

Átaksleiðarin hjá Tórshavnar sløkkiliði sigur, at tað kann vera støv ella okkurt líknandi, sum følarin hevur fangað.